Gunnlaugur Sigurðsson, þjálfari, lagði land undir fót og ferðaðist til Skotlands um páskana til að taka þátt í JKS æfingabúðum með Shihan Kagawa 9. dan, auk þess að fara í próf fyrir 5. dan og stóðst hann prófið með glæsibrag.
Gunnlaugur hefur æft og kennt karate hjá Haukum allt frá stofnun deildarinnar, 1. febrúar 1990.
Karatedeildin óskar Gunnlaugi til hamingju með áfangann og við vonum að þetta verði öðrum iðkendum til hvatningar.
Áður auglýstur aðalfundur Karatedeildar Hauka sem átti að vera 28. febrúar hefur verið frestað til fimmtudagsins 9. mars kl 20:30 á Ásvöllum.
Aðalfundur Karatedeildar Hauka fer fram þriðjudaginn 28. febrúar kl. 20:30 á Ásvöllum.
Hefðbundin fundarstörf samkvæmt reglum félagsins.
Um helgina fóru fram Íslandsmeistaramót barna og unglinga í Kata í Smáranum í Kópavogi. Haukar áttu fjóra keppendur á hvoru móti og stóðu þau sig öll með stakri prýði.
Bestum árangri á unglingamótinu náði Lalita Ragna Pálsdóttir þegar hún endaði í 3. sæti í flokki 14 ára stúlkna. Aðrir keppendur Hauka unglinamótinu voru Kári Stefánsson, Fabian Kondziolka og Dennis Eduard.
Lalita með bronsverðlaunin
Á Íslandsmeistaramóti barna sem fór fram á sunnudeginum kepptu Ísold Elísa Hlynsdóttir, Sigurður Einar Aðalsteinsson, Daniel Schuldeis og Tómas Örn Jóhannsson. Bestum árangri Hauka á því móti náði Ísold Elísa sem sigraði flokk 10 ára stúlkna og fagnaði sínum fyrsta Íslandsmeistaratitli.
Ísold Íslandsmeistari
Við erum rosalega stolt af keppendum okkar og óskum þeim öllum til hamingju með árangur sinn.
Haustönn Karatedeildar Hauka hefst mánudaginn 6. september n.k.
Við hlökkum til að taka á móti nýjum iðkendum sem og að fá reyndari iðkendur aftur eftir sumarfrí.
Sjáumst í september!
Aðalfundur Karatedeildar Hauka fer fram fimmtudaginn 11. mars 2021 kl. 21:00.
Hefðbundin fundarstörf.
Við hefjum æfingar samkvæmt nýrri æfingatöflu mánudaginn 31. ágúst.
Við bjóðum byrjendur velkomna á byrjendanámskeiðin sem hefjast einnig mánudaginn 31. ágúst.
Hlökku til að sjá ykkur öll
Aðalfundur Karatedeildar Hauka fer fram fimmtudaginn 5. mars klukkan 20:30 í íþróttamiðstöð Hauka við Ásvelli.
Dagskrá fundar samkvæmt lögum.
Stjórn KDH.
Signý Ósk á verðlaunapalli. Hún er hér í 3. sæti með appelsínugult belti.
Laugardaginn 15. febrúar fór fram fyrsta Grand Prix mót Karatesambandsins.
Grand Prix mótaröðin er bikarmótaröð unglinga frá 12 til 17 ára.
Haukar áttu fjóra keppendur á mótinu sem allir stóðu sig afar vel og öll að stíga sín fyrstu skref í keppni.
Bestum árangri Haukafólks náði Signý Ósk Sigurðardóttir í Kumitekeppni 12 ára stúlkna, en hún endaði í 3. sæti í flokknum.
Virkilega vel gert hjá krökkunum og við hlökkum til að fylgjast með þeim á komandi mótum.
Einnig viljum við minna á að febrúar er frír prufumánuður hjá okkur í Karatedeild Hauka í tilefni 30 ára afmælis okkar.
Í tilefni af 30 ára afmæli Karatedeildar Hauka 1. febrúar s.l. höfum við ákveðið að gera febrúar að fríum prufumánuði. Það geta því allir, óháð aldri, komið á byrjendanámskeið í febrúar.
Komdu og prófaðu Karate.
Það er aldrei of seint að byrja.
Æfingar fyrir 11 ára og yngri eru á þriðjudögum og fimmtudögum klukkan 18:00-19:00
Æfingar fyrir 12 ára og eldri eru mánudaga, þriðjudaga og fimmtudaga klukkan 19:00-20:30.
Hlökkum til að sjá ykkur.
Nýlegar athugasemdir